حياة واحدة مش أتنين
توجد حياة واحدة بس مش أتنين ،أى لا يوجد مجال للتجربة أو لعمل بروفه
. يعنى من الاخر كده عاوز أقولك أفرح ، أبتسم ، تفائل ، ثق بنفسك ، حب كل الناس
وتعامل بطبيعتك ، .
فأن أكثر المواقف حرجاً يمكن أن تجعل منها فكاهه اذا تعاملت
بتلقائية فى الموقف . متحطش الناس فى دماغك أوى وتتعب فى تفسير مواقفها المختلفة .
خليها تعدى بسلاسة . ولو حاجة حصلت ضايقتك عديها ميجراش حاجة ، يمكن مرة قابلت
واحد صاحبك وسلمت عليه ومردش عليك السلام . معلش يمكن حاجة مزعلاه فأعذره
ومتزعلش منه
واحد تانى شافك اتريق عليك . يمكن عاوز يهزر معاك بس انت مش واخد بالك
خدها بمرح واضحك معاه حتى لو على نفسك . بالعكس دا يدل على ثقة أكتر فى نفسك، بعض
الاحيان تلاقى اشخاص تسخر منك فى حاجات . دور من جواك على السبب لو صح يبقوا
قالولك نصيحة حلوة ممكن تعمل بيها . ولو غلط فكك وعيش فرحان ، بس فى تعاملاتك كن
أرقى من ان تخدع احد .....واذكى من ان يخدعك احد . لا تفقد سلامك لمجرد
احداث خارجية. خبر وحش هنا او هناك ، لانك لو هتستنى تسمع خبر حلو علشان تفرح
صدقنى انت كده بتصعبها على نفسك أوى . ، لو فى حاجة مزعلاك وحاسس انك زهقان اطلع
البلكونة او فوق سطح البيت الساعة 3-4 بالليل وشم الهواء النقى واتأمل فى الموقف
هتحس ان الموقف بسيط وماكنش يستدعى منك دا كله ، دور جوا ذاتك هتلاقى الحل بكل
سهوله ، المهم هتلاقى نفسك هديت وقلت لنفسك اروح اقعد على الفيس شويه . بصيت
لقيت الأستيتس بتاعك مش واخد لايكات وصحابك فكسولك . تروح تزعل تانى
...........برضو دا كلام........... ياراجل كبر مخك ، اعمل انت ياسيدى لايكات
لأستيتسات صحابك ، وعبر عن أعجابك انت كدا اقوى بكتير . واللى يطنشك وتعامله بحب .
هيحس انه نفسه يبقى زيك . اعمل خير مع كل حد هتلاقى نفسك مليان فرح وسعادة . مع كل
مشكلة قول لنفسك بعد كل ليل مظلم نهار مضىء
يمكن حد بعد ما يقرأ هذه السطور القليلة يروح يقول
لنفسه ياعم دا بيعمل - بروجيكشن - انا هقولك عادى انا برضو
مبسوط لأنى دى حياة واحدة مش اتنين
صدقنى عندما تفكر فى الفرح يسرع اليك الفرح و عندمل تفكر فى الحزن
يسرع اليك الحزن
فأحرص على انتقاء مشاعرك
خواطر قصيرة
هذا
المقال خاص بموقع info مشكل ......... معلومات مفيدة
شارك برأيك
ردحذف